சுவிஸ் தமிழ்க்கத்தோலிக்க ஆன்மிகப்பணியகத்தினால் இவ்வருடத்திற்கான ஆன்மிக நிகழ்வானது 16-11-2024 சனிக்கிழமை ஓல்ரன் புனித மரியன்னை ஆலயத்தில் மாலை 15.30 மணிக்கு நடைபெற்றது.
குணமாக்கல் வழிபாடு, நற்கருணை வழிபாடு, ஒப்புரவு அருட்சாதன நிகழ்வு, திருப்பலி என முக்கிய ஆன்மிக நிகழ்வுகளை அருட்பணி. ரஜனிகாந், அருட்பணி. பிலிப், அருட்பணி. காளான், அருட்பணி. சுகாஸ், கப்புச்சின் சபையைச் சார்ந்த அருட்பணி. போல் ஆகியோர் இணைந்து நடாத்தினார்கள்.
மன்னார் மறைமாவட்ட ஆயர் அமரர் மேதகு. இராயப்பு யோசேப்பு ஆண்டகை, சுவிஸ் தமிழ்க்கத்தோலிக்க ஆன்மிகப்பணியகத்தின் முன்னைய நாள் இயக்குநர் அமரர் அருட்பணி. அவிதப்பர் அடிகளார், சுவிஸ் தமிழ்க்கத்தோலிக்க ஆன்மிகப்பணியகத்தில் பணியாற்றி அண்மையில் மரணமடைந்த கப்பச்சின் சபையைச் சார்ந்த அமரர் அருட்சகோதரர். வேணர், இவர்களோடு இறந்த சகல ஆன்மாக்களுக்காகவும் திருப்பலி ஒப்புக்கொடுக்கப்பட்டது.
சுவிஸ் தமிழ்க்கத்தோலிக்க ஆன்மிகப்பணியக இயக்குநர் அருட்பணி. யூட்ஸ் முரளிதரன் அவர்களின் ஒழுங்குபடுத்தலிலும், மத்திய குழவின் ஒத்துழைப்புடனும் நடைபெற்ற இவ்வான்மிக நிகழ்வில் 500ற்குமேற்பட்ட இறைமக்கள் பக்தியுடனும், இறைநம்பிக்கையுடனும் பங்குபற்றி இறையாசீரைப் பெற்றுச்சென்றனர்.