12-10-2024 சனிக்கிழமையன்று மாலை 15.30 மணியளவில் ஓல்ரன் புனித மரியன்னை ஆலயத்தில் புனித செபமாலை அன்னையின் திருவிழா இடம்பெற்றது. மன்னார் மறைமாவட்டத்தைச் சேர்ந்த அருட்பணி. றொஸான், எம் மக்களின் ஆன்மிகத் தேவைகளில் பல வழிகளில் உதவி புரிந்து வருகின்ற கப்புச்சின் சபையைச் சேர்ந்த அருட்பணி. பவுல், எமது ஆன்மிக இயக்குனர் அருட்பணி. யூட்ஸ் முரளிதரன் ஆகியோர் இணைந்து இத்திருவிழாத் திருப்பலியினை ஒப்புக்கொடுத்தனர்.

திருப்பலியினைத் தொடர்ந்து புனித செபமாலை அன்னையின் திருச்சுரூப பவனி நடைபெற்றது.  இறுதியில் அருட்பணி. பவுல்  அவர்களினால் புனித செபமாலை அன்னையின் திருச்சுரூப ஆசீர் வழங்கப்பட்டது. ஓல்ரன் ஆன்மிகப்பணியக இறைமக்கள் இத்திருவிழாவை சிறப்பாக கொண்டாடியதுடன் ஏனைய பணியக மக்களும் இதில் பங்கு பற்றி அன்னை மரியின் சிறப்பு ஆசீரைப் பெற்று மகிழ்ந்தனர்.