சுவிஸ் தமிழ்க் கத்தோலிக்க ஆன்மிகப் பணியகம் நடாத்தும் வருடாந்த மறையறிவுப் போட்டி 19-10-2024 சனிக்கிழமை ஓல்ரன் புனித மரியன்னை ஆலய மண்டபத்தில் நடைபெற்றது. காலை 8.30 மணிக்கு ஆரம்பமான இப்போட்டிகளுக்கு இவ்வாண்டு ஏறக்குறைய 130 ற்கும் அதிகமான மாணவர்களும், பெரியோர்களும் ஆர்வத்துடன் பங்குபற்றியமை பாராட்டுக்குரியது.

இப்போட்டிகள் மிகச்சிறப்பாக நடைபெற உதவிய நடுவர்களான உரோமையில் உயர் கல்வி கற்கின்ற அருட்பணி. அன்ரனி ராஜ், பாதுவாவில் உயர்கல்வி கற்கின்ற அருட்பணி. ரஜனிகாந், அருட்பணி. பிலிப், சுவிஸ் ஆன்மிகப் பணியகத்தில் பல்வேறு வழிகளில் வளவாளராக பணியாற்றும் திரு. மைக்கல் ரியூட்டர் ஆகியோருக்கும், மறையாசிரியகள், மத்தியகுழு உறுப்பினர்கள், மானிலக்குழு உறுப்பினர்கள், நலன்விரும்பிகள், பங்குபற்றிய போட்டியாளர்கள், குறிப்பாக தங்கள் குழந்தைகளை ஆயத்தப்படுத்தி அழைத்து வந்த பெற்றோர்கள், இந்நிகழ்வு சிறப்பாக நடைபெற பின்னணியில் இருந்த அனைவருக்கும் எமது பாராட்டுக்களையும், நன்றிகளையும் தெரிவித்துக்கொள்கின்றோம்.